പരിപ്പനങ്ങാടിക്ക് സമീപമുള്ള കരിങ്കല്ലത്താണി പ്രദേശത്ത് ഇന്നും നിലനില്‍ക്കുന്ന കരിങ്കല്ല് അത്താണി - 2015 മെയ് മാസം പകര്‍ത്തിയത്.
Subscribe to:
Post Comments (Atom)
പാറപ്പുറം
ഞാന്‍ എന്‍റെ കുട്ടികാലം ഓടി നടന്ന പാറപ്പുറം, ഈ ആല്‍ മരത്തിന്‍റെ തണലില്‍ ഞങ്ങള്‍ സുഹൃത്തുക്കള്‍ ഞങ്ങളുടെ ബാല്യ സായഹ്നങ്ങള്‍ ചിലവിട്ടത്, ആ കാണുന്ന വായന ശാല എന്‍റെ സാഹിത്യ ഗുരുകുലം....എല്ലാം ഇന്ന് ഓര്‍മ്മകള്‍ മാത്രം.....
പൂച്ചോലമാട്
ചേറൂര്‍ ദേശത്തെ ഉമ്മ പെങ്ങന്‍മാരുടെ കണ്ണുനീരിന്‍റെ ഉപ്പുരസം അലിഞു ചേര്‍ന്ന മണ്ണ്...ബ്രീട്ടീഷ് കാട്ടാളന്‍റെ അത്ത്യാധുനിക ആയുധങ്ങള്‍ക്ക് മുന്‍പില്‍ ശൂരത്ത്വം കാട്ടിയ ആണ്‍കുട്ടികളുടെ രക്തം കൊണ്ട് ചുവന്ന മണ്ണ്...ബ്രിട്ടീഷ് കാരന്‍റെ മൂടു താങ്ങിയായി മുസ്ലിം പോരാളികളെ ചതി പ്രയോഗത്തിലൂടെ ബ്രിട്ടീഷ്കാരനു പിടിച്ച് കൊടുത്ത തോന്നിയില്‍ നായര്‍ ജന്മിയെ പൊറുത്ത മണ്ണ്...ചേറൂര്‍ ദേശം കണ്ണമംഗലം അംശം പൂച്ചോലമാട്
പാറ വളരുന്നു.........?
പാറക്ക് ജീവനുണ്ടോ... ഉണ്ടെന്ന് പറഞ കാരണവര്‍ക്കും..ഇല്ലെന്ന് പറഞ യുവ തലമുറക്കും...അത്തരം ചര്‍ച്ചകള്‍ക്കൊന്നും നില്‍ക്കാതെ സായഹ്നങ്ങളില്‍ പുസ്തകവുമായി പാറ കെട്ടുകളില്‍ കയറി ഇരുന്നവര്‍ക്കും...സമര്‍പ്പിക്കുന്നു....
പ്രതാപം നഷ്ടമായ വൈക്കോല്‍ ക്കൂന...
അതെ ഒരു കാലത്ത് ഞങ്ങളുടെ നാട്ടില് വൈക്കോല്‍ ക്കൂനകളും കാള കൊംബ്കളും പ്രതാപത്തിന്റെ മാനദണ്ഡങ്ങളായിരുന്നു....ഇന്ന്...അവ...പട്ടിണിയുടെയും പരിവട്ടത്തിന്റെയും പര്യായങ്ങളാണ്...
പൂച്ചോലമാട് ജുമാ മസ്ജിദ്
ഏകനിലേക്ക് ഏകതയോടെ.....
ചേറൂര്‍ ശുഹദാക്കള്‍
ബ്രിട്ടീഷ്കാരന്‍റെ പീരങ്കിക്കു മുന്‍പില്‍ വിരിമാ‍റ് കാണിച്ച 17 മുസ്ലിം പോരാളികള്‍ ഇവിടെ അന്ത്യവിശ്രമം കൊള്ളുന്നു..കയ്യില്‍ കിട്ടിയ വേലിത്തറി പോലും ഈ ആണ്‍കുട്ടികള്‍ക്ക് വെള്ളപട്ടാളത്തിനുനേരെ പ്രയോഗിക്കാനുള്ള എ.കെ 47 കളായിരുന്നു...അതിനാല്‍ തന്നെ ഈ സ്വതന്ത്ര്യസമരത്തെ വെള്ളക്കാരന്‍ അടിച്ചൊതുക്കി,,, പുതിയ ചരിത്ര വൈകല്യങ്ങളുടെ മൂക സാക്ഷികളായി പൂച്ചോലമാടിന്‍റെ മണ്ണില്‍ നാടിന്‍റെ വീരപുത്രന്‍മാര്‍ വിശ്രമിക്കുന്നു.....
സ്രാമ്പ്യ - മണ്‍മറയുന്ന ഗ്രാമകഴ്ചകള്‍
സ്രാമ്പ്യകള്‍ ഒരുകാലത്ത് മുസ്ലിം ഗ്രാമങ്ങളില്‍ തെല്ലുപ്രതാപത്തോടെ തല ഉയര്‍ത്തിനിന്ന് വിശ്വാസിയുടെ മനസ്സില്‍ കുളിര്‍മനല്‍കിയിരുന്നു....പൂച്ചോലമാട് - ചേറൂര്‍ പാടത്തിന് സമീപം കുറ്റിയറ്റ് കൊണ്ടിരിക്കുന്ന സ്രാമ്പ്യകളില്‍ ഒന്ന്..താഴത്ത് കുഞാലന്‍ കുട്ടിയുടെ തറവാട് വക
ഊട്ടിയല്ല പൂച്ചോലമാട് തന്നെ
അതെ...ഇത്..പൂച്ചോലമാട് തന്നെ...അള്ളാഹു കനിഞു നല്കിയ പ്രക്രതി ഭംഗി...അള്ളാഹു എത്ര പരിശുദ്ധന്!
ഗുരുകുലം
ഇത് ഞങ്ങളുടെ സ്കൂള്‍ മുറ്റം ഇവിടെ നിന്നാണ് ഞാന്‍ ഇവിടെ വരേ എത്തിയത്,ഈ ഗുരുകുലവും സ്ഥിതിചെയ്യുന്നത് ഒരു പാറപ്പുറത്ത് തന്നെ.....പലപ്പോയും ഈ വിദ്യാലയമുറ്റത്ത് ഞാന്‍ കാല്‍തെന്നി വീണ് എന്‍റെ ഇളം രക്തതിന്‍റെ കടും ചുകപ്പ് ഈ പാറപ്പുറത്ത് വീണിട്ടുണ്ട്..ഞാനും എന്‍റെ സുഹ്രത്ത് അസീസും ചെറുപയറും ചോറുമായി ചവിടി കുന്നിന്‍റെയും പറങ്കി മൂച്ചിയുടെയും (കശുമാവ്)അറ്റത്ത് കയറി ഇരുന്ന് ആസ്വദിച്ച് കഴിച്ചിട്ടുണ്ട്...തിരിച്ചുവരാത്ത ഒരു കാലം....സഹപാഠികളായിരുന്ന ചെമ്പന്‍ സാജു വിട പറഞു..പിന്നെ ആരൊക്കെ അറിയില്ല..ബാബു..അനില്‍..നസീമ...ആരൊക്കെ ...എവിടെയൊക്കെ....ഇല്ല ....അറിയില്ല....
കഞിയും ചക്ക കൂട്ടാനും
ഇപ്പോയും പഴമ കാത്ത് സൂക്ഷികുന്നു പൂച്ചോലമാട്ടുകാര്‍....അവരുടെ ഭക്ഷണത്തില്‍ പ്രദാന ഇനം പത്ത് മണിക്ക് കഞിയും ചക്ക കൂട്ടാനും...ചിരട്ട കയിലും മണ്‍ കുടുക്കയും സ്റ്റീല്‍ പാത്രങ്ങള്‍ക്ക് വഴി മാറിയെങ്കിലും..ചക്ക കൂട്ടാന്‍ ഞങ്ങളുടെ തീന്‍ മേശയില്‍ പ്രദാന വിഭവം തന്നെ
താഴത്തെ കുളം
ഈ കുളം എന്‍റെ ജീവിതത്തിന്‍റെ ഭാഗമായിരുന്നു...സ്കൂളില്‍ പോകുന്നതിനു മുന്‍പ് ഓടിചെന്ന് ഇതില്‍ ഒന്ന് ചാടികുളിച്ചാല്‍....ഒന്ന് നീന്തി തിമര്‍ത്താല്‍...അത് മതി...ആ തണുത്ത നീരുറവ ദൈവത്തിന്‍റെ വല്ലാത്ത ഒരു അനുഗ്രഹമായിരുന്നു..... കാലത്തിന്‍റെ കുത്തൊഴ്ക്കില്‍ അതും ഞങ്ങള്‍ക്ക് നഷ്ടമായി...
ഞാറണ്‍ ക്കുളം
വര്‍ഷ കാലത്ത് ഞങ്ങള്‍ക്ക് നീന്തി കുളിക്കാന്‍ ദൈവത്തിന്‍റെ സമ്മാനമാണിത്...ഞങ്ങളുടെ മക്കള്‍ക്ക് നീന്തല്‍ പടിക്കാന്‍ ഒരു നീന്തല്‍ കുളം..പഴമക്കാരുടെ ഭാഷയില്‍ പറഞാല്‍ ഒറ്റ രാത്രി കൊണ്ട് ശൈതാനോ ജിന്നോ നിര്‍മിച്ചത്.! അതിന് അവര്‍ക്ക് ന്യയവുമുണ്ട്...ഒരു വിധ പാളിച്ചയും കൂടാതെ യന്ത്രങ്ങള്‍ കൊണ്ട് നിര്‍മിച്ചത് പോലേ തോന്നിക്കും ഈ കുളത്തിന്‍റെ ആകൃതി
No comments:
Post a Comment